నందు, దివ్య జంటగా గోవింద్ వరహ దర్శకత్వంలో బాల, ప్రకాష్ కలిసి నిర్మిస్తున్న చిత్రం ‘నేను నాన్న అబద్ధం’. ఈ సినిమాకు సంబంధించిన ట్రైలర్స్, వెబ్‌సైట్ అవిష్కరణ యండమూరి వీరేంద్రనాథ్ చేతుల మీదుగా సోమవారం జరిగింది. ఈ సందర్భంగా యండమూరి మాట్లాడుతూ -‘‘దర్శకుడి ప్రతిభ ట్రైలర్స్‌లోనే కనిపిస్తుంది.ప్రేక్షకులకు కావాల్సిన అన్ని అంశాలూ ఈ సినిమాలో ఉన్నాయని అర్థమవుతోంది. ఈ టీమ్‌కి విజయం తప్పక వరిస్తుందని నా నమ్మకం’’ అన్నారు. ఇదొక అందమైన ప్రేమకథ అని, రాజీ అనే మాటకు తావివ్వకుండా ఎంతో ప్రతిష్టాత్మకంగా నిర్మాత ఈ చిత్రాన్ని నిర్మించారని, విజయంపై ఎంతో ఆతృతగా ఉన్నామని దర్శకుడు చెప్పారు.
సినిమా బాగా వచ్చిందని, పది రోజుల్లో పాటలను, ఇదే నెలలో సినిమాను విడుదల చేస్తామని నిర్మాతలు చెప్పారు. ‘‘అనుకున్నదానికంటే సినిమా బాగా వచ్చింది. ట్రైలర్స్ ఎంత బాగున్నాయో సినిమా అంతకంటే బాగుంటుంది. ఈ సినిమా నా కెరీర్‌కి ప్లస్ అవుతుందని ఆశిస్తున్నాను’’ అని హీరో నందు అన్నారు.
No comments:
Post a Comment